Сурах Бичгийг Үр Дүнтэй Унших 5 Алхам
1. Эргүүлж харах (Quick Flip-Through)
Эхлээд номын хуудсуудыг хурдан гүйлгэж харна.
- Хийх зүйл: Зөвхөн зураг, график, диаграмм-ыг харах. Үгсийг унших шаардлагагүй.
- Зорилго: Тухайн бүлэг хэр урт, зураг болон текстний харьцаа ямар байгааг, мөн анхаарал татсан зүйлс байгаа эсэхийг мэдэх. Энэ нь танд бүхэл бүтцийн талаарх анхны мэдрэмжийг өгнө.
2. Асуултыг түрүүлж унших
Бүлгийн төгсгөлд очоод, хэрэв байгаа бол шалгалт, асуулт хариултыг уншина.
- Зорилго: Энэ нь тухайн бүлгийн зохиогч таныг ямар мэдээллийг хамгийн чухал гэж үзэж, олж авах ёстойг мэдэх боломж олгоно.
- Үр дүн: Та тухайн мэдээллийг төвлөрсөн анхааралтайгаар хайж уншиж эхэлнэ.
3. Тод үсгийг унших (Bold Print)
Дараа нь бүлгийн эхэнд буцаж очоод, зөвхөн тод (bold) үсгээр бичсэн хэсгүүдийг уншина.
- Хийх зүйл: Гарчиг, дэд гарчиг болон сэдвийн үндсэн хэсгүүдийн нэрийг унших.
- Зорилго: Зохиогч мэдээллийг хэрхэн задалж, холбосон бүтцийг ойлгох. Энэ нь танд “юмсыг яаж угсрагдаж байгааг” ойлгох суурийг тавина.
4. Эхний ба Сүүлийн өгүүлбэрийг унших
Дахин гүйлгэж, энэ удаа параграф бүрийн эхний ба сүүлийн өгүүлбэрийг уншина.
- Үр дүн: Хэрэв зохиол сайн бичигдсэн бол эхний өгүүлбэр нь тухайн параграфыг товч танилцуулж, сүүлийн өгүүлбэр нь дүгнэж өгдөг.
Анхаарах зүйл: Энэ үе шат хүртэл та ойлгохын тулд биш, харин мэдээллийн тухай мета мэдээллийг авах зорилгоор уншиж байгаа юм. Та тархиндаа бүх “цэгүүдийн газрын зураг”-ыг үүсгэж байна.
5. Бүтнээр нь уншиж, тэмдэглэл хөтлөх
Дээрх бүх алхмыг хийсний дараа, таны дотоод радар (Reticular Activating System) идэвхжиж, анхаарал тань өндөрсдөг. Зөвхөн энэ үед л бүлгийг бүрэн уншиж, тэмдэглэл хөтөлнө.
Аргын Ач Холбогдол
Хэдийгээр эхлээд их ажил мэт санагдах боловч, энэ нь мэдээллийг уншаад, алдаад, дахин уншиж цагаа үрэхээс хамаагүй хялбар юм. Учир нь:
- Давталт (Repetition): Та нэг мэдээллийг хэд хэдэн удаа (зураг, асуулт, тод үсэг, өгүүлбэрээр) давтаж авч байгаа тул сурахын эх болох давталтын зарчим ажиллана.
- Тархи бэлтгэгдэх: Таны тархи “Одоо та юу авах гэж байгаа вэ?” гэдэгт бэлтгэгдсэн байдаг тул мэдээллийг илүү хурдан, гүнзгий шингээж авдаг. Энэ нь шинэ цэнхэр машин худалдаж авсны дараа гудамжинд цэнхэр машинуудыг илүү их анзаардагтай адил зарчим юм.
Машин барихтай харьцуулах
Та А цэгээс Б цэг хүртэл машинаар явж очих шаардлагатай үед эхлээд эцсийн зорилго хаана хүрэхээ тодорхойлно , тэгээд газрын зургаас хамгийн гол эргэх цэгүүдийг тодорхойлно. Тэгснээр яг машин барьж явах үед хаана ямар уулзвар дээр баруун зүүн эргэхээ толгой дотроо хайж машинаа жолоодоно.Энэ нь зорьсон цэгтээ хамгийн хурдан төөрөхгүй хүрэх арга юм.
Яг үүнтэй ижил загвараар энэ сурах бичгээс би
Ийм мэдлэгийг олж авна – Хүрэх цэг
Эхлээд ерөнхий бүтэц номын араг ясыг толгойдоо хийнэ – Хаана ямар газар эргэлт хийх цэгээ урьдчилан мэднэ
Уран зохиолын ном шиг эхний хуудаснаас хөөж унших биш, Бүтэцтэй гаднаас нь хумих маягаар хайж уншина. Зохиолч уншигчид хамгийн эцэст өгөх гээд байгаа мессэжийг шууд авна. Цэгцтэй зорилготой уншилт нь номыг чимэглэж дэлгэрүүлсэн ач холбогдол багатай
хэсгийг хаяснаар сурах бичгээс авах зүйл маш тодорхой болно.
